ՓՄՁ Ասոցիացիայի կառավարման խորհրդի անդամները, ՀԲԸՄ-ի «Սովորի՛ր և վաստակի՛ր. Արցախ» ծրագրի շրջանակներում, հասարակական հիմունքներով մասնակցեցին մենթորային հանդիպում քննարկմանը Արցախից տեղահանված մեր հայրենակիցների հետ (մոտ 80 հոգի), ովքեր ունեցել են Փոքր բիզնեսներ Արցախում և հիմա վերսկսել են կամ ցանկանում են սկսել իրենց բիզնեսը Հայաստանում։
Հանդիպման շրջանակներում, բացի ընդհանուր քննարկումներից, Ասոցիացիայի կառավարման խորհրդի անդամներ՝ Էմիլ Հարությունյանը, Ալին Մասրլիանը, Կարինե ղուկասյանը, Տիգրան Քեյանը, Հակոբ Ավագյանը և Ասոցիացիայի համաժողովի պատվիրակ Արթուր Մամբրեյանը, անհատական խորհրդատվություն տվեցին մեր Արցախից տեղահանված հայրենակիցներին։
Առանձին քննարկումներ ծավալվեցին
- արտադրության,
- արտահանման և սերտիֆիկացման,
- հարկային և վարչարարական հարցերի,
- մարքեթինգ, գովազդ, ապրանքային նշանի գրանցում
և այլ թեմաներով։
Ասոցիացիայի կառավարման խորհուրդը պատրաստակամություն հայտնեց հետագայում ևս աջակցություն ցուցաբերել այս ծրագրի շրջանակներում արդեն գրանցված Փոքր բիզնեսներին, հնարավորինս արագ և սահուն ինտեգրվելու հարցերում։
